Ri wus puput resi Drona mengandika,
Ledang kayun sang korawi,
Sada kenyem semu girang,
Mikayun pacang molihang,
Gendang-gending kenyar-kenyir,
Raris bubar,
Ngruruh jero ni ke apti.
Bima Sena sani mangkin caritayang,
Resi Drona mangesengin,
Raris ida mangandika,
Duh Dewa sang Bima Sena,
Cening teguh turing sakti,
Bapa sarat,
Mogi Dewa mangisinin.
Bapa ngidih kapin cening pang ngalihang,
Tirta suci sanji wani,
Yen buat kautamannya,
Luput teken madan tua,
Taning bisa keneng pati,
Dirga yusa,
Keto nyan kawigunannya.
