Bima Sena tan ngrengayang,
Apan kesatriya luih,
Jujur tegeg ring semaya,
Nora pacang ngelong janji,
Apa buin ring ida Hyang muni,
Dwaning baktin I sisya,
Yapin urip mangemasin,
Tan ngarungu,
Bima Sena ris memarga.
Raris rakane ngawisang ,
Yudistira walangati,
Uduh adi Bima Sena,
Melahang adi ngayunin,
Pituduh resi,
Beli mrasa walang kayun,
Eni mirib naya upaya,
Manyengkalen saking silib
Natan urung,
Adi lakar nemu baya.
Raris rakane ngawisang ,
Yudistira walangati,
Uduh adi Bima Sena,
Melahang adi ngayunin,
Pituduh resi,
Beli mrasa walang kayun,
Eni mirib naya upaya,
Manyengkalen saking silib
Natan urung,
Adi lakar nemu baya.
Bima Sena ris memarga,
Indra prasta ne keungsi,
Ida pacang nyeritayang,
Ring sameton ida sami,
Nguningang titah Hyang resi,
Mangda ngruruh tirta iku,
Arania tirta pawitra,
Maring alas palasara,
Keto wuwus,
Maha guru resi Drona.
